Jamhuri ya Muungano wa Tanzania
Ofisi ya Makamu wa Rais
Makamu wa Rais wa Jamhuri ya Muungano wa Tanzania Mhe. Dkt. Philip Mpango akiwa na viongozi mbalimbali akizindua Jarida la “Sustainable Scalling: Meeting the Clean Cooking Challenges in Afrika” wakati wa Mkutano wa Kushughulikia Changamoto za Nishati Safi ya Kupikia Afrika : Wito kwa Viongozi wa Afrika (Addressing Clean Cooking Challenges in Africa : Call for African Leadership) ulioyofanyika pembezoni mwa Mkutano wa 29 wa Wakuu wa Nchi na Serikali wa Nchi Wanachama wa Mkataba wa Umoja wa Mataifa kuhusu Mabadiliko ya Tabianchi (COP-29) unaofanyika katika Mji wa Baku nchini Azerbaijan.
Makamu wa Rais wa Jamhuri ya Muungano wa Tanzania Mhe. Dkt. Philip Mpango amekutana na kufanya mazungumzo na Mkurugenzi Mtendaji wa International Energy Agency (IEA) Dr. Fatih Birol, mazungumzo yaliyofanyika kando ya Mkutano wa 29 wa Wakuu wa Nchi na Serikali wa Nchi Wanachama wa Mkataba wa Umoja wa Mataifa kuhusu Mabadiliko ya Tabianchi (COP-29) unaofanyika katika Mji wa Baku nchini Azerbaijan. Mazungumzo hayo yamelenga kuendelea kuimarisha ushirikiano katika kutekeleza ajenda ya nishati safi ya kupikia.
Makamu wa Rais wa Jamhuri ya Muungano wa Tanzania Mhe. Dkt. Philip Mpango akizungumza na Ujumbe wa Jamhuri ya Muungano wa Tanzania utakaoshiriki Mkutano wa 29 wa Wakuu wa Nchi na Serikali wa Nchi Wanachama wa Mkataba wa Umoja wa Mataifa kuhusu Mabadiliko ya Tabianchi (COP-29) mara baada ya kuwasili Baku nchini Azerbaijan leo tarehe 09 Novemba 2024. Makamu wa Rais anamwakilisha Rais wa Jamhuri ya Muungano wa Tanzania Mhe. Dkt. Samia Suluhu Hassan katika mkutano huo unaotarajiwa kufanyika kuanzia tarehe 11 - 22 Novemba 2024 Jijini Baku.
Makamu wa Rais wa Jamhuri ya Muungano wa Tanzania Mhe. Dkt. Philip Mpango na Mwenza wake Mama Mbonimpaye Mpango wakiwa kwenye mstari kwa ajili ya kushiriki zoezi la Uandikishaji kwenye Daftari la Wapiga kura kwaajili ya Uchaguzi wa Serikali za Mitaa katika Kitongoji cha Kihanga Kijiji cha Kasumo Wilaya ya Buhigwe Mkoani Kigoma. Tarehe 12 Oktoba 2024.
Makamu wa Rais wa Jamhuri ya Muungano wa Tanzania Mhe. Dkt. Philip Mpango akiwapongeza Wanafunzi wa Shule ya Msingi Mnadan ya mkoani Dodoma mara baada ya kuimba wimbo wa kuhamasisha utunzaji mazingira katika Mkutano Maalum wa Viongozi, Wataalamu na Wadau wa Mazingira kuhusu Mwelekeo wa Mazingira Nchini unaofanyika katika Kituo cha Mikutano cha Jakaya Kikwete mkoani Dodoma. Tarehe 09 Septemba 2024.
Makamu wa Rais wa Jamhuri ya Muungano wa Tanzania Mhe. Dkt. Philip Mpango akipokea zawadi ya jitihada za uhifadhi wa mazingira kutoka kwa Waziri wa Nchi Ofisi ya Makamu wa Rais (Muungano na Mazingira) Dkt. Ashatu Kijaji (kulia) pamoja na Katibu Mkuu Ofisi ya Makamu wa Rais (Muungano na Mazingira) Mhandisi Crypian Luhemeja (kushoto) wakati wa Mkutano Maalum wa Viongozi, Wataalamu na Wadau wa Mazingira kuhusu Mwelekeo wa Mazingira Nchini unaofanyika katika Kituo cha Mikutano cha Jakaya Kikwete mkoani Dodoma. Tarehe 09 Septemba 2024.
Makamu wa Rais wa Jamhuri ya Muungano wa Tanzania Mhe. Dkt. Philip Mpango pamoja na viongozi na washiriki mbalimbali wakiimba Wimbo wa Taifa wakati wa Ufunguzi wa Mkutano wa 35 wa Kamati ya Kudumu ya Fedha ya Mkataba wa Umoja wa Mataifa kuhusu Mabadiliko ya Tabianchi unaofanyika katika Kituo cha Mikutano cha Kimataifa cha Arusha (AICC). Tarehe 02 Septemba 2024.
Makamu wa Rais wa Jamhuri ya Muungano wa Tanzania Mhe. Dkt. Philip Mpango akiwa na viongozi mbalimbali katika moja ya darasa la shule ya Sekondari Kimaghai “A” mara baada ya kuzindua shule hiyo akiwa ziarani Wilaya ya Mpwapwa mkoani Dodoma tarehe 20 Agosti 2024.
Makamu wa Rais wa Jamhuri ya Muungano wa Tanzania Mhe. Dkt. Philip Mpango akiweka Jiwe la Msingi la Kiwanda cha Kusindika Zabibu kilichopo eneo la Chinangali II Wilaya ya Chamwino mkoani Dodoma wakati wa ziara ya kikazi katika Mkoa huo tarehe 19 Agosti 2024.
Makamu wa Rais wa Jamhuri ya Muungano wa Tanzania Mhe. Dkt. Philip Mpango akiwa katika picha ya pamoja na Viongozi pamoja na Menejimenti ya Ofisi ya Makamu wa Rais - Muungano na Mazingira mara baada ya kukagua ujenzi wa Jengo la Ofisi hiyo lililopo Mtumba Mkoani Dodoma. Tarehe 31 Julai 2024.
Mhe. Dkt. Ashatu Kachwamba Kijaji
Waziri wa Nchi (Muungano na Mazingira
Mhe. Khamis Hamza Khamis
Naibu Waziri (Muungano na Mazingira)
Mhandisi. Cyprian John Luhemeja
Katibu Mkuu
Bw. Abdallah Hassan Mitawi
Naibu Katibu Mkuu (Muungano)
Bi. Christina Solomon Mndeme
Naibu Katibu Mkuu (Mazingira)
Masuala ya Muungano
Jamhuri ya Muungano wa Tanzania iliundwa mnamo tarehe 26 Aprili, 1964 ikiwa ni Muungano wa Mataifa mawili huru ya Tanganyika na Zanzibar. Jamhuri ya Tanganyika na Jamhuri ya Watu wa Zanzibar ziliingia mkataba wa Muungano mnamo mwaka 1964 na kuanzishwa Dola ya Jamhuri ya Muungano wa Tanzania. Mkataba wa Muungano ulitiwa saini na aliyekuwa Rais wa Tanganyika, Hayati Mwalimu Julius Nyerere na aliyekuwa Rais wa Zanzibar, Hayati Sheikh Abeid Amani Karume, tarehe 22 Aprili 1964 huko Zanzibar. Mkataba huo ulithibitishwa na Bunge la Tanganyika na Baraza la Mapinduzi hapo tarehe 26 Aprili, 1964. Tarehe 27 Aprili, 1964, viongozi wa nchi zote mbili walikutana katika ukumbi wa Karimjee Jijini Dar es Salaam na kubadilishana Hati za Muungano.
Muundo wa Muungano wa Tanzania kama ulivyoelezwa katika Katiba ya Jamhuri ya Muungano wa Tanzania, una vyombo viwili vyenye mamlaka ya utendaji ambavyo ni Serikali ya Jamhuri ya Muungano na Serikali ya Mapinduzi ya Zanzibar; Vyombo viwili vyenye mamlaka ya kutekeleza utoaji haki ambavyo ni Mahakama ya Jamhuri ya Muungano na Mahakama ya Zanzibar; na vyombo viwili vyenye mamlaka ya kutunga sheria na kusimamia utekelezaji wa shughuli za umma ambavyo ni Bunge la Jamhuri ya Muungano wa Tanzania na Baraza la Wawakilishi la Zanzibar.
Serikali ya Jamhuri ya Muungano wa Tanzania inashughulikia mambo yote ya Muungano kama yalivyoainishwa katika Katiba ya Jamhuri ya Muungano wa Tanzania ya mwaka 1977 na yasiyo ya Muungano kwa upande wa Tanzania Bara. Aidha, Serikali ya Mapinduzi ya Zanzibar inashughulikia mambo yote yasiyo ya Muungano kwa upande wa Tanzania Zanzibar.
Masuala ya Muungano ( nyaraka )
Sera ya Taifa ya Uchumi wa Buluu ya Mwaka 2024
Mkakati wa Utekelezaji wa Sera ya Uchumi wa Buluu ya Mwaka 2024
Kitabu cha Miaka 60 Ofisi ya Makamu wa Rais
Kitabu cha Hoja za Muungano zilizopatiwa ufumbuzi Agosti 24, 2021
Utaratibu wa Vikao vya Pamoja vya SJMT na SMZ vya kushughulikia masuala ya Muungano
Mwongozo wa Vikao vya Kuimarisha Ushirikiano wa Wizara, Idara na Taasisi ziziso za Muungano za SjMT na SMZ
Mazingira
Mazingira ni muhimu kwa mkakati wetu wa maendeleo kwa sababu ya kuweka uwiano kati ya faida za kiuchumi na kijamii katika kutimiza mahitaji yetu bila kuathiri yale ya vizazi vijavyo.
Serikali inazingatia usimamizi wa mazingira kama ajenda ya kipaumbele kama inavyoonyeshwa katika mipango yake mbalimbali ikiwa ni pamoja na Sera ya Taifa ya Mazingira (1997) baadaye Sera ya Taifa ya Mazingira (2021), Sheria ya Usimamizi wa Mazingira (2004) na Kanuni, programu na miradi yake.
Elimu kwa umma na ufahamu ni muhimu kwa usimamizi bora wa mazingira ili kukuza maliasili zetu na mazingira kwa njia endelevu. Hii ni kutokana na ukweli kwamba ujuzi na ufahamu hutoa maarifa tunayohitaji ili kuongoza maamuzi yetu na matendo madhubuti. Tovuti hii inaonesha juhudi za Serikali katika kukuza uelewa wa usimamizi wa mazingira nchini. Ninaamini kwamba tovuti hii itachangia vyema katika kuboresha ujuzi wetu, ufahamu na mtazamo ambao utatusaidia azma yetu ya kushughulikia changamoto za kimazingira zinazokabili ardhi yetu na bayoanuwai yake ya ajabu. Mazingira yetu ni yetu ya sasa na maisha yetu yajayo, kila mdau atekeleze majukumu ipasavyo.
Mazingira ( nyaraka )
Mwongozo wa Udhibiti wa Taka Ngumu kwa kutumia Dhana ya Punguza, Tumia Tena na Rejeleza
National Carbon Trade Guidelines
Guidelines for Preparation on Environment Action Plans for Sector Ministries and Local Government Authorities
National Guidelines for Strategic Environmental Assessment
The National Guidelines for Mainstreaming Gender into Environment
Guidelines for Sustainable Management of Wetlands
Habari Mpya
