Idara inaongozwa na Mkurugenzi

Dkt. Juma Mohamed Salum

Idara hii imekasimiwa majukumu ya kuratibu mambo ya Muungano; na kuratibu ushirikiano kati ya Serikali ya Jamhuri ya Muungano wa Tanzania na Serikali ya Mapinduzi ya Zanzibar katika mambo yasiyo ya Muungano na majukumu yake ni: Kutoa huduma kwa Mhe. Makamu wa Rais katika upande wa Zanzibar na kuratibu masuala ya Muungano;

2)Kuwa kiungo kati ya Serikali ya Jamhuri ya Muungano wa Tanzania na Serikali ya Mapinduzi Zanzibar kuhusu masuala yasiyo ya Muungano;

3)Kuratibu masuala ya rasilimali watu na utawala; na

4)Kusimamia majengo, kuratibu shughuli za kila siku na kusimamia masuala ya fedha na manunuzi.

Mgawanyo wa majukumu hayo upo katika sehemu kuu tatu kama ifuatavyo: -

a)Sehemu ya Jamii na Siasa

Sehemu hii inatekeleza kazi zifuatazo: -

1)Kuratibu vikao vya Kamati ya Pamoja ya SMT na SMZ ya Kushughulikia Masuala ya Muungano kwa lengo la kutafuta ufumbuzi wa changamoto za Muungano;

2)Kutoa ushauri wa kitaalamu wa kijamii na kisiasa kwa masuala yanayohusu Muungano;

3)Kutoa elimu kwa umma kuhusu masuala ya Muungano na yasiyo ya Muungano;

4)Kuratibu uandaaji wa taarifa ya mwaka ya hali ya utekelezaji wa masuala ya Muungano; na

5)Kufanya utafiti kuhusu masuala ya kijamii na kisiasa yanayohusu masuala ya Muungano.

a)Sehemu ya Uchumi na Fedha

Sehemu hii inatekeleza kazi zifuatazo:-

1)Kuchambua na kushauri kuhusu sera za uchumi na fedha zinazohusu masuala ya Muungano;

2)Kufanya ufuatiliaji wa miradi ya kiuchumi na kijamii inayotekelezwa pande zote za Muungano;

3)Kufanya utafiti kuhusu masuala ya uchumi na fedha yanayohusu masuala ya Muungano;

4)Kutoa elimu kwa umma kuhusu masuala ya uchumi na fedha yanayohusu masuala ya Muungano;na

5)Kuratibu na kufuatilia utekelezaji wa maagizo mbalimbali ya Muungano na yasiyo ya Muungano

a)Ofisi ya Zanzibar

Sehemu hii inatekeleza kazi zifuatazo:-

1)Kutoa huduma kwa Mhe. Makamu wa Rais katika upande wa Zanzibar na kuratibu masuala ya Muungano;

2)Kuwa kiungo kati ya Serikali ya Jamhuri ya Muungano wa Tanzania na Serikali ya Mapinduzi Zanzibar kuhusu masuala yasiyo ya Muungano;

3)Kuratibu masuala ya rasilimali watu na utawala; na

4)Kusimamia majengo, kuratibu shughuli za kila siku na kusimamia masuala ya fedha na manunuzi.