Idara inaongozwa na Mkurugenzi

Bi. Kemilembe Mutasa

Majukumu

• Kuratibu masuala yanayohusu uainishaji na utekelezaji wa Sera ya Taifa ya Mazingira na Sheria ya Usimamizi wa Mazingira ya mwaka 2004
• Kuendeleza, kuratibu na kutathmini utekelezaji wa mikakati na mipango ya kukabiliana na changamoto za uvukaji zinazohusiana na usimamizi wa mazingira na kukuza ujumuishaji wa mazingira katika mifumo mingine ya maendeleo ya sekta
• Kuishauri Serikali kuhusu hatua za kisheria na nyinginezo za usimamizi wa mazingira na/au utekelezaji wa mikataba husika ya kimataifa katika nyanja ya mazingira. Kusimamia shughuli za Baraza la Taifa la Usimamizi wa Mazingira.Kutayarisha na kutoa ripoti kuhusu Hali ya Mazingira; na Kuratibu utekelezaji wa ajenda ya ukuaji wa kijani na maendeleo yanayohimili mabadiliko ya tabianchi.

  Idara inaundwa na Sehemu tatu ambazo ni;

• a) Sehemu ya Hifadhi ya Bioanuai

  Sehemu hii ina majukumu yafuatayo:
• (i). kuandaa, kufuatilia, kutathmini, kupitia na kuratibu utekelezaji wa Sera, Sheria, Kanuni na Miongozo inayohusu hifadhi ya Bioanuai.
• (ii). kuratibu Miradi na Mikakati inayohusu hifadhi ya makazi asilia ya viumbehai inayotekelezwa katika maeneo mbalimbali nchini.
• (iii). kutoa ushauri wa kitaalam juu ya maandalizi na mapitio ya shughuli zinazohusiana na hifadhi ya bioanuai katika sekta mbalimbali kwa ajili ya maendeleo endelevu;
• (iv). kusimamia utekelezaji wa Mkataba wa Uhifadhi wa Bioanuai na Mkataba wa Nairobi unahusu Hifadhi, Usimamizi na Uendelezaji wa mazingira ya Bahari na Ukanda wa Pwani ya Magharibi ya Bahari ya Hindi;
• (v). kusimamia utekelezaji wa kanuni na miongozo inayohusu usalama wa matumizi ya bioteknolojia ya kisasa;
• (vi). kuratibu na kusimamia kampeni ya Kitaifa ya Upandaji miti nchini na Tuzo ya kuhifadhi mazingira;
• (vii). kuratibu maadhimisho ya Siku ya Mazingira Duniani;
• (viii). kuandaa Ripoti ya Hali ya Mazingira Nchini; na
• (ix). kusimamia utekelezaji wa mikakati mbalimbali ya utunzaji na hifadhi ya Mazingira katika maeneo ya ardhi oevu na mabonde makuu kama vile Ziwa Tanganyika na Ziwa Nyasa. Aidha, Sehemu hii inaratibu shughuli za Mfuko wa Mazingira Duniani (Global Environment Facility - GEF).
• (x). Kuratibu utekelezaji wa Mikataba ya Kimataifa na Kikanda kuhusu: Hifadhi ya Bioanuai; Matumizi salama ya Bioteknolojia ya kisasa; Fidia na Uwajibikaji kisheria kuhusu madhara yatokanayo na matumizi ya GMOs; Mkataba wa Hifadhi ya Mazingira ya Bahari, Ukanda wa Pwani na Magharibi ya Bahari ya Hindi; na Mkataba wa Hifadhi ya Maeneo Oevu.

Sehemu hii inaongozwa na Mkurugenzi Msaidizi.

2: Sehemu ya Udhibiti wa Uchafuzi wa Mazingira

(i). Kuandaa, kupitia na kusimamia na kutathmini utekelezaji wa Sera, Sheria, Kanuni, Miongozo na Mikakati zinazohusu Udhibiti wa Uchafuzi wa Mazingira.

(ii). Kufuatilia na kutathimini udhibiti wa uchafuzi wa mazingira uanotokana na shughuli za viwanda, kilimo, usafirishaji, uchimbaji wa madini, nishati n.k;

(iii). Kuandaa, kuratibu na kusimamia utekelezaji wa mikakati na shughuli mbalimbali zinazohusiana na udhibiti wa uchafuzi wa mazingira kwa kushirikiana na Serikali za mitaa na wadau wengine;

(iv). Kuratibu utekelezaji wa mikataba ya kimataifa na ya kikanda inayohusu Udhibiti wa Uchafuzi wa Mazingira. Mikataba hiyo ni: Mkataba wa Vienna na Montreal inayohusu uhifadhi wa Tabaka la Ozoni; Mkataba wa Stockholm unaohusu udhibiti wa kemikali zinazodumu kwa muda mrefu; Mkataba wa Basel unaohusu udhibiti wa usafirishaji wa taka zenye sumu baina ya nchi na nchi na utupaji wake; Mkataba wa Minamata unahusu udhibiti wa matumizi ya zebaki; Mkataba wa Rotterdam kuhusu upashanaji taarifa kuhusu baadhi ya kemikali hatarishi za viwandani na viuatilifu katika biashara ya kimataifa (Rotterdam Convention on prior informed consent procedure on hazardous chemicals and pesticides in International trade) na Mkataba wa Bamako unahusu kuzuia uingizaji wa taka za sumu barani Afrika na kuthibiti usimamizi wake.

(v). Kuratibu utoaji elimu kwa umma kuhusu masuala yanayohusu udhibiti wa uchafuzi wa mazingira

(vi). Kuandaa na Kutekeleza Miradi ya Mazingira inayohusu udhibiti wa uchafuzi wa mazingira.

Sehemu hii inaongozwa na Mkurugenzi Msaidizi.

3: Sehemu ya Tathmini ya Athari kwa Mazingira na Mabadiliko ya Tabianchi

(i). Kuandaa na kupitia Sera, Sheria, Kanuni na Miongozo;
(ii). Kuratibu taratibu za Tathmini ya Athari kwa Mazingira katika utekelezaji wa miradi mbalimbali ya maendeleo;
(iii). Kuratibu taratibu za Tathmini ya Mazingira Kimkakati katika uanzishwaji wa Sera, Sheria, Kanuni, Mikakati, Programu na Mipango;
(iv). Kuandaa programu na mikakati mbalimbali ya hifadhi ya mazingira;
(v). Kusimamia na kuratibu Mkataba wa kimataifa wa Mabadiliko ya Tabianchi, Mkataba wa kimataifa wa kudhibiti kuenea kwa hali ya jangwa na ukame pamoja na miradi mbalimbali ya kudhibiti uharibifu wa mazingira;
(vi). Kuratibu shughuli za mahusiano ya nchi na taasisi zingine katika eneo la mazingira. Taasisi hizi ni pamoja na Jumuiya ya Maendeleo Kusini mwa Afrika (SADC), Jumuiya ya Afrika Mashariki (EAC), Shirika la Mazingira la Umoja wa Mataifa (UNEP), Kamisheni ya Umoja wa Mataifa ya Maendeleo Endelevu (CSD) na Kamati ya Mawaziri wa Afrika kuhusu Mazingira (AMCEN); na
(vii). Kuratibu utekelezaji wa Mikataba ya Kimataifa na Kikanda kuhusu: Mabadiliko ya Tabianchi na Itifaki ya Kyoto na Makubaliano ya Paris; Kuzuia kuenea kwa hali ya jangwa na ukame; Itifaki ya SADC kuhusu usimamizi endelevu wa mazingira na maliasili; na Itifaki ya Afrika Mashariki kuhusu mazingira na maliasili.

Sehemu hii inaongozwa na Mkurugenzi Msaidizi.